Эканамічнае супрацоўніцтва
Дынаміка знешняга гандлю Рэспублікі Беларусь з Дзяржавай Катар
(тыс. долараў ЗША)
| Год | Таваразварот | Экспарт | Импарт | Сальда |
| 2011 | 2515,8 | 1872,2 | 643,6 | 1228,6 |
| 2012 | 3003,6 | 304,8 | 2698,8 | -2394,0 |
| 2013 | 2617,4 | 78,4 | 2539,0 | -2460,6 |
| 2014 | 17992,1 | 16310,6 | 1681,5 | 14629,1 |
| 2015 | 1959,1 | 371,2 | 1587,9 | -1216,7 |
| 2016 | 4499,9 | 680,3 | 3819,6 | -3139,3 |
| 2017 | 6165,9 | 1528,5 | 4637,4 | -3108,9 |
| 2018 | 2911,6 | 385,9 | 2525,7 | -2139,8 |
| 2019 | 4907,0 | 1110,0 | 3797,0 | -2687,0 |
| 2020 | 2139,7 | 498,5 | 1641,2 | -1142,7 |
У 2019 годзе беларускі экспарт у Катар складалі, у асноўным, рэнтгенаўская апаратура, малочная сыроватка, мука, кансерваваная рыба. Таксама пастаўляліся вымяральныя прыборы, адзенне, калійныя ўгнаенні (усяго 33 таварныя пазіцыі).
У 2020 годзе ў Катар экспартавана прадукцыі на 498,5 тыс. дал. ЗША. Асноўныя пазіцыі — малочная сыроватка, малако і вяршкі згушчаныя і сухія — 154,6 тыс., іншыя харчовыя тавары — 136,7 тыс., рэнтгенаўская апаратура — 108,4 тыс., лекавыя сродкі — 41,0 тыс., калійныя ўгнаенні — 26,1 тыс. (больш за 30 таварных пазіцый).
На працягу апошніх гадоў больш чым 95% імпарту Рэспублікі Беларусь з Дзяржавы Катар складаюць пастаўкі палімераў этылену.
Завершана распачатая Інвестыцыйным фондам Узброеных Сіл Катара ў 2012 годзе ў адпаведнасці з Указам Прэзідэнта Рэспублікі Беларусь «Аб умовах будаўніцтва шматфункцыянальнага комплексу ў г.Мінску» рэалізацыя праекта па стварэнні гасцінічна-спартыўнага комплексу «Марыотт» па пр.Пераможцаў (агульны аб'ём катарскіх інвестыцый — каля 200 млн. дол.). Прэзентацыя МФК «Сокал» з удзелам намесніка дзяржміністра абароны Катара па фінансавых пытаннях Тані Абдулрахмана аль-Кувары адбылася 7 снежня 2015 г.
У лістападзе 2009 г. Катар наведаў Першы намеснік Прэм'ер-міністра Рэспублікі Беларусь (у той час — Сямашка У.І.). У ходзе візіту адбылося першае пасяджэнне Сумеснага камітэта паміж Урадам Рэспублікі Беларусь і Урадам Дзяржавы Катар.
У сакавіку 2010 г. у г.Дохе прайшло першае пасяджэнне Беларуска-Катарскага Сумеснага дзелавога савета пад эгідай ГПП Беларусі і Катара.
У лістападзе 2012 г. у г.Мінску адбылося другое пасяджэнне Беларуска-Катарскага Сумеснага камітэта. Беларускую частку ўзначаліў Міністр гандлю Рэспублікі Беларусь (на той момант — Чаканаў В.С.). Катарскую дэлегацыю ўзначаліў намеснік Міністра бізнесу і гандлю Султан бен Рашыд аль-Хатер.
25 — 26 красавіка 2016 г. у г.Дохе праведзена трэцяе пасяджэнне Беларуска-Катарскага Сумеснага камітэта на ўзроўні Міністра гандлю Рэспублікі Беларусь Калтовіча В.У. і Міністра эканомікі і гандлю Катара шэйха Ахмеда бен Джассіма аль-Тані. Адначасова пад эгідай ГПП Катара праведзена другое пасяджэнне Сумеснага дзелавога савета.
Прапрацоўваецца правядзенне чацвёртага пасяджэння Сумеснага камітэта ў г.Мінску.
Сустрэча дзелевой дэлегацыі Катара ў БелГПП, 2015
Гасцініца Маррыотт, пабудаваная Катарам у Мінску
